<$BlogRSDUrl$>

þriðjudagur, apríl 25, 2006

...netla

fimmtudagur, apríl 01, 2004

Eins og einhverjir hafa kannski tekið eftir þá hafa netluskrif legið niðri meira en vant er undanfarið. Það er svosem engin ein skýring á því en ég vona að ég hafi ekki valdið miklu sálarróti hjá hinum tryggu gestum þessarar síðu. Ég hef bara ekki alveg verið í stuði undanfarið. Ég flyt til Freiburgar á sunnudaginn og hef haft í nógu að snúast út af því. Það verður semsagt netluleysi enn um nokkra hríð meðan ég kem mér fyrir úti og finn íbúð og svona en þá vonandi tek ég upp þráðinn.
Annars er það í nýskeðum fréttum að ég er búinn að ráða mig í vinnu sem æfingapíanisti og coach hjá ÍÓ í Sweeney Todd næsta haust. Það verður örugglega mikið stuð.
Einnig það að verkið sem ég er að byrja að skrifa fyrir þjóðlagahátíð breyttist í dag í slagverkskonsert og er það Frank Aarnik sjálfur sem ætlar að berja húðir (og annað sem fyrir verður) í Gránuhúsinu á Siglufirði næsta sumar. Ætla að hitta hann á morgun og við förum í gegnum slagverkssafnið hjá Sinfó.
Lifið heil

föstudagur, mars 26, 2004

ATH! Tónleikar í kvöld!

Útskriftartónleikar tónsmíðanema Listaháskóla Íslands 26. mars 2004, kl.20:00 í Salnum í Kópavogi


Ný verk
Ólafur Björn Ólafsson - Upplausn
Gestur Guðnason - Morula
Anna S. Þorvaldsdóttir - sundrung - eining


Aðgangur ókeypis

fimmtudagur, mars 18, 2004

Hvaða latneski frasi er ég?

It isn't a poem
Non curo. Si metrum non habet, non est poema.
"I don't care. If it doesn't rhyme, it isn't
a poem."

You are a type A personality. You like bright
things, you don't call in sick to work, and you
have devastating opinions about art.

hehe...

AUGLÝSING
Ég auglýsi hér með eftir einhverjum sem á upptöku af eftirfarandi verki:

Igor Stravinsky: Momentum pro gesualdo da Venosa ad CD annum

Ég þarf mikið að komast yfir upptöku af þessu og það virðist vera mjög erfitt að nálgast hana. Gæti verið til á heildarútgáfudiskum einhverjum. Vinsamlega látið vita hér í kerið að neðan eða í skilaboðaskjóðuna hér til vinstri.


Ég fór til Siglufjarðar um síðustu helgi ásamt Gyðu og Hadda og Diljá. Við fengum lánað frábært hús hjá vinafólki okkar og vorum frá fimmtudegi til sunnudags. Frábært veður og mjög fallegt á Sigló. Ég fór reyndar fyrst og fremst til að skoða síldarminjasafnið í Gránu-húsinu. Ég er nefnilega að skrifa verk fyrir þjóðlagahátíðina á Siglufirði næsta sumar og það á að flytja það í þessu húsi. Þetta er magnað hús og ég hlakka mikið til að byrja að æfa þarna. Áheyrendur munu sitja niðri og bandið vera uppi á svölum umhverfis þá. Svo verða slagverksleikararnir niðri og spila á slagverkshljóðfæri en einnig á vélarnar í húsinu. Fór með minidisk með mér og eyddi laugardeginum í að taka upp hljóð úr húsinu sem ég reyni kannski að nota eitthvað. Mér tókst meira að segja að verða frægur. FLÍS tríóið (Davíð Þór og félagar) eru fastagestir á hátíðinni og ég ætla að reyna að virkja þá í þennan flutning. Það er alltaf gaman að bralla eitthvað með þeim.
Nú eru hafnar æfingar á útskriftarverkum hjá tónsmíðadeild LHÍ og er ég að stjórna þeim tónleikum sem verða föstudagskvöld 26. mars í Salnum. Þar verða flutt verk eftir Gest Guðnason, Ólaf Björn Ólafsson og Önnu Þorvaldsdóttur. Ég held að það verði bara mjög gaman og hvet alla til að mæta.

sunnudagur, mars 07, 2004

Stjórnaði Caput í gær á 15:15 tónleikaröðinni – frumflutningi á nýju verki eftir Hildigunni Rúnarsdóttur. Flutningurinn tókst bara nokkuð vel og gaman að fá að vinna með Caputinu. Einsöngvari var Hallveig Rúnars og söng náttúrulega mjög fallega.
Fór að sjá Brúðkaup Fígarós um síðustu helgi og skemmti mér alveg konunglega. Þetta er svipað plott og sömu karakterar og í Rakarinn frá Sevilla (eftir Rossini) en mér finnst þessi ópera miklu skemmtilegri og ástæðan er einfaldlega sú að mér finnst tónlistin svo margfalt betri. Ég er ekki frá því að þetta geti orðið uppáhalds Mozart óperan mín.

föstudagur, febrúar 27, 2004

37% ...


create your personalized map of europe

fimmtudagur, febrúar 26, 2004

Í dag er ég 25 ára og mun verða í 364 daga í viðbót. Fór í þýskutíma hjá Goethe Institut og er nýkominn heim og Gyða er búin að elda dýrindis mat og ég opnaði kampavín og allt er þetta dýrðlegt og dásamlegt.
Lifið heil
Ps. Hlustaði á gítarkonsert í útvarpinu eftiur Karólínu Eiríksdóttur og var ánægður með síðasta kaflann. Hlustaði einhver annar?

This page is powered by Blogger. Isn't yours?